Возера выглядае як рака са сваімі косамі й крутымі берагамі, затонамі й ручаямі – але вада ў возеры не цячэ…

345676frff

Тлумачэнні

Схема

Межы

САЛАНЕЦ
Сення: складаная водна-луговая фармацыя. Старое рэчышча. Вотмут, Лавы, Пад ігрушкай, Аколіца, Саланецкі лужок.
У мінулым:

Частка дзеючага рэчышча Сож

 Панскі лес, Балонне, Сож

Дакладнае тлумачэнне і апісанне
Даўней тут праходзіла рэчышча Сажа – аднак звестак калі тое было не засталося.

Яшчэ да вайны мясціна выкарыстоўвалася як стойла і вадапой свойскіх свінняў і гусей, а таксама мясціна актыўна выкарыстоўвалася пад пашу валоў, коней.

Ўрочышча мае выгляд паўкруга і амаль сутыкаецца з дзвюх бакоў з Сажом (з аднаго боку мае выхад да Сожу праз вузенькі ручаёк, з другога боку толькі вясной у паводку).

Сёння С. пачаў забалачвацца і мялець, аднак, яшчэ сёння рэчышча добра бачна (высокія берагі, невялікія кося і рогі). Раней (да асушэння Вялікага балота, вады было значна больш) ў Саланец ўпадалі некалькі ручаёў (з Панскага лесу і Балоння) – сёння можна яшчэ іх пабачыць.

Ў некаторых мясцінах на самым беразе маюцца крыніцы (у адной з іх быў зроблены маленькі калодзезь, каб ў спякотнае надвор’е набраць, ці папіць вады).

Барагі параслі лазой (вербалоз і красналоз) і сухой травой, ў вадзе шмат лапушша і вадзяных гарэхаў.

Паступова ўрочышча змяняецца – рака точыць бераг, каб пабегчы па рэчышчы Саланца.

Сустрэчы (жывыя і нежывыя істоты, з’явы)

Паданні

Байкі і гісторыі
Чарапаха, чорны бусел, белая чапля, рак. У вайну тутака баржа нямецкая плыла з соллю, дык яе нашы патапілі і соль ўся ў ваде патанула… вада яшчэ колькі год была салоная.