Каменьне Паўночнай Беларусі

Яшчэ ў 60-ягады ХХ ст. вядомы даследнік В. Сядоў адзначыў, што культ валуноў у беларусаў звязаны з балцкім субстратам¹. Культавым камяням балцкага арэалу прысвечана шмат публікацыяў. У Беларусі гэта працы А. Багдановіча, Ф. Пакроўскага, М. Мялешкі, Э. Ляўкова, Э. Зайкоўскага, В. Вінакурава, А. Карабанава, аўтара гэтых радкоў², у Літве — П. Тарасенкі, Р. Матуліса, І. Яблонскіса, В. Урбанавічуса, В. Вайткявічуса³, у Латвіі — Ю. Уртанса, А. Цаўнэ⁴, вядомыя работы па Пскоўшчыне, Наўгародчыне і Польшчы⁵. Апублікаваны матэрыял дае магчымасць супаставіць паданні пра культавыя камяні Беларусі і суседніх земляў⁶.